23 may 2022

letras galegas 2022

 

En clave inclusiva, derrubando barreiras, sen fronteiras, desde a tradición e a literatura desenvolvéronse os actos de celebración das Letras Galegas 2022 no colexio.

Cantigas como "Pan de millo" de Migallas, "Este olliño pimpilín" nas voces do alumnado de 3 anos e 4 anos A, outra dos Maios con percusión de paus interpretada polos nenos e nenas de 4 anos B. "O cuco", poesía musicada de Manuel María, cantárona as nenas e nenos de 5 anos.

Recitados individuais, en pequeno e gran grupo desde 1º ata 5º de Primaria da obra de Rosalía de Castro, de Manuel María e, por suposto, do autor homenaxeado, Florencio Delgado Gurriarán foron todo un pracer para os nosos sentidos.

En homenaxe ás tres pandeireteiras que demostraron que non hai fronteiras para a lingua galega todo o alumnado de 1º, 2º e 3º de Primaria interpretou Terra de Tanxugueiras con pictogramas e cunha coreografía baseada no baile tradicional. 4º, 5º e 6º de Primaria fíxoa con lingua de signos e baile

O alumnado de 6º preparou para a ocasión unha emotiva presentación. Lúa e Iván de 6ºA e Iria e Brais de 6ºB conduciron a celebración maxistralmente. Nela mostráronnos un percorrido pola vida e obra de Florencio Delgado, rememoraron as súas propias vivencias no cole, faláronnos de palabras do ano, de inclusión...de morriña, de ilusión, de pasado e de futuro.

Todo acompañado de música tradicional, rematando os actos co noso himno.

O entusiasmo, interese e entrega foi xeneralizado. Unha celebración cargada de emotividade e de galego!

 


 

 



2 may 2022

Día do libro: O camiño dos libros

O Camiño dos Libros lévanos desde a biblioteca do centro cara aos corredores e por cada chanzo das escaleiras. Neste camiño atopamos os libros que cada nena e cada neno soña, le, goza, adora...

 







29 abr 2022

Por que temos embigo?

O 26 de abril o alumnado de 5 anos asistimos a unha charla afectivo-sexual titulada "Por qué temos embigo?", actividade impartida por matronas e ofertada por Fapegal a través da Anpa.


Podemos recomendar os seguintes libros:


guintes libros...


23 abr 2022

Los libros voladores - vídeo-

 The Fantastic Flying Books (Los Fantásticos Libros Voladores) Una historia divertida y muy original que te hará ver a los libros como tus mejores amigos. 

 

Día do libro 2022

 O Día do Libro no cole... Os rapaces e rapazas de sexto leron aos compañeiros máis pequenos do cole.

 

A viaxe de Exeria

 

O alumnado de 6ºB fixemos unha curta sobre as viaxes de Exeria utilizando unha webcam e a aplicación Cloud Stop Motion.
O primeiro que fixemos foi o texto. A medida que se ía facendo o texto, íanse asignando os diferentes escenarios e personaxes.
Tamén escollemos a música, puxémoslle o audio e fixemos a montaxe.
Os escenarios están realizados por: Miriam e Nahia, Noa B, Xavier, Kirian, Pablo, André, Raúl e Noa L .
Todos se inspiraron en imaxes de Internet . 
Os personaxes están feitos por: Alexander, Adriana, Anxo F, Silvia, Iria F, Lúa e Miriam . Tamén se inspiraron en imaxes buscadas en Internet.
A música foi escollida por: Victor, Samuel, Brais V e Anxo L . A música extraérona da páxina Free Music e polo tanto pódese compartir.
A montaxe está feita por: Noa B, Iria M e Candela. A montaxe consta de 175 fotogramas.
O texto está realizado por: Mario, Iria M e Candela. Sacamos a información de diversas fontes atopadas en Internet.
Finalmente púxolle voz ao noso traballo a nosa compañeira: Iria M.
Este texto está escrito no blog por: Candela, Iria M, Miriam e Adriana.
Grazas por ver!
 

 
 
 







24 mar 2022

Miró e o Entroido

A voltas polo  mundo o alumnado de 5 anos de Educación Infantil fixo unha paradiña no noso país España para descubrir as súas paisaxes, costumes, gastronomía...e, aproveitando as datas do Entroido descubrir un dos nosos grandes artistas JOAN MIRÓ.

Agardamos que vos guste.

3 mar 2022

Día da Muller: Exeria


Achégase a data do 8 de marzo, Día Internacional da Muller. No colexio pareceunos importante lembrar a unha pioneira como Exeria.

24 feb 2022

23 de febreiro, Día de Rosalía

CAMIÑO ROSALÍA

Na homenaxe a Rosalía, as actividades foron moitas e moi variadas. Todo o alumnado do centro quixo coñecer algo máis da súa obra.

Traballáronse poemas como: Vente, rapasa, Vamos bebendo, Mais ve que o meu corazón, Por que miña almiña, Adiós ríos, adiós fontes, Prá Habana, A xustiza pola man, Unha vez tiven un cravo...

Arte nas mans e arte nas voces das nenas e dos nenos. Moi emocionante!


Todo isto acompañado de poesía musicada por Astarot, ACadaCanto, Uxía, Amancio Prada, Nao...